![](uploads/news/5cd85bff748f70.95354378.jpg)
მესტიის მუნიციპალიტეტის ბეჩოს თემში საჭადრაკო კლუბი გაიხსნა. კლუბები მაზერის საჯარო სკოლასა და ბეჩოს თემის მუნიციპალიტეტის შენობაშია განთავსებული.
საჭადრაკო კლუბის გახსნას ესწრებოდნენ "საქართველოს ჭადრაკის ფედერაციის" პრეზიდენტი გია გიორგაძე, ჭადრაკში ოლიმპიური ჩემპიონი ნანა იოსელიანი, ბეჩოს თემში მესტიის მუნიციპალიტეტის მერიის წარმომადგენელი-სიმონ არღვლიანი, ქართველი და უცხოელი ჟურნალისტები, მაზერის საჯარო სკოლის დირექტორი ქ-ნ ნარგიზ ხორგუანი, პედკოლექტივი და სკოლის მოსწავლეები.
"საქართველოს ჭადრაკის ფედერაციამ" ადგილობრივებს საჩუქრად საჭადრაკო ინვენტარი და ლიტერატურა გადასცა. კლუბში სხვადასხვა ასაკობრივი ჯგუფი იფუნქციონირებს და სწავლა უფასო იქნება.
"დარწმუნებული ვარ, რომ მომავალში ჩვენ გვეყოლება არამარტო საქართველოს, არამედ მსოფლიოსა და ევროპის ჩემპიონები. ჩემი, როგორც ბეჩოს თემში მესტიის მუნიციპალიტეტის მერის წარმომადგენელის სურვილია, სპორტის ეს სახეობა რეგიონში კარგად იყოს განვითარებული. “- ამბობს სიმონ არღვლიანი.
გია გიორგაძემ და ნანა იოსელიანმა კი ბავშვებს პროფესიული გამოცდილება გაუზიარეს და მათთან ჭადრაკიც ითამაშეს.
„მოხარული ვარ, რომ სვანეთში ასეთი მშვენიერი სკოლა გაიხსნა. იმედი მაქვს აქ აღზრდილები წარმატებებით ბევრჯერ გაახარებენ ქვეყანას.“ - განაცხადა ჭადრაკში ოლიმპიურმა ჩემპიონმა, ნანა იოსელიანმა.
შეგახსენებთ, რომ ზემო სვანეთში გამართულ საჭადრაკო ტურნირებს ბეჩოს თემი სწორედ აქ უმასპინძლებს.